Genesis Linear Translation by Yona Newman © 1998-2002
Hebrew/English Main Text
Next
Help
Index
Home
Genesis, Genesis
Ch. 27:1-46
בראשית, בראשית
1
In the beginning
G-d created
and the earth.
בראשית
ברא אלהים
ואת הארץ
א
)א( ויהי כי זקן יצחק ותכהין עיניו מראת ויקרא את עשו בנו הגדל ויאמר אליו בני ויאמר אליו הנני:
2
ב
)ב( ויאמר הנה נא זקנתי לא ידעתי יום מותי:
3
ג
)ג( ועתה שא נא כליך תליך וקשתך וצא השדה וצודה לי >צידה< ציד:
4
ד
)ד( ועשה לי מטעמים כאשר אהבתי והביאה לי ואכלה בעבור תברכך נפשי בטרם אמות:
5
ה
)ה( ורבקה שמעת בדבר יצחק אל עשו בנו וילך עשו השדה לצוד ציד להביא:
6
ו
)ו( ורבקה אמרה אל יעקב בנה לאמר הנה שמעתי את אביך מדבר אל עשו אחיך לאמר:
7
ז
)ז( הביאה לי ציד ועשה לי מטעמים ואכלה ואברככה לפני ידוד לפני מותי:
8
ח
)ח( ועתה בני שמע בקלי לאשר אני מצוה אתך:
9
ט
)ט( לך נא אל הצאן וקח לי משם שני גדיי עזים טבים ואעשה אתם מטעמים לאביך כאשר אהב:
10
י
)י( והבאת לאביך ואכל בעבר אשר יברכך לפני מותו:
11
יא
)יא( ויאמר יעקב אל רבקה אמו הן עשו אחי איש שער ואנכי איש חלק:
12
יב
)יב( אולי ימשני אבי והייתי בעיניו כמתעתע והבאתי עלי קללה ולא ברכה:
13
יג
)יג( ותאמר לו אמו עלי קללתך בני אך שמע בקלי ולך קח לי:
14
יד
)יד( וילך ויקח ויבא לאמו ותעש אמו מטעמים כאשר אהב אביו:
15
טו
)טו( ותקח רבקה את בגדי עשו בנה הגדל החמדת אשר אתה בבית ותלבש את יעקב בנה הקטן:
16
טז
)טז( ואת ערת גדיי העזים הלבישה על ידיו ועל חלקת צואריו:
17
יז
)יז( ותתן את המטעמים ואת הלחם אשר עשתה ביד יעקב בנה:
18
יח
)יח( ויבא אל אביו ויאמר אבי ויאמר הנני מי אתה בני:
19
יט
)יט( ויאמר יעקב אל אביו אנכי עשו בכרך עשיתי כאשר דברת אלי קום נא שבה ואכלה מצידי בעבור תברכני נפשך:
20
כ
)כ( ויאמר יצחק אל בנו מה זה מהרת למצא בני ויאמר כי הקרה ידוד אלהיך לפני:
21
כא
)כא( ויאמר יצחק אל יעקב גשה נא ואמשך בני האתה זה בני עשו אם לא:
22
כב
)כב( ויגש יעקב אל יצחק אביו וימשהו ויאמר הקל קול יעקב והידים ידי עשו:
23
כג
)כג( ולא הכירו כי היו ידיו כידי עשו אחיו שערת ויברכהו:
24
כד
)כד( ויאמר אתה זה בני עשו ויאמר אני:
25
כה
)כה( ויאמר הגשה לי ואכלה מציד בני למען תברכך נפשי ויגש לו ויאכל ויבא לו יין וישת:
26
כו
)כו( ויאמר אליו יצחק אביו גשה נא ושקה לי בני:
27
כז
)כז( ויגש וישק לו וירח את ריח בגדיו ויברכהו ויאמר ראה ריח בני כריח שדה אשר ברכו ידוד:
28
(Start of sixth aliyah)
ששי
כח
)כח( ויתן לך האלהים מטל השמים ומשמני הארץ ורב דגן ותירש:
29
כט
)כט( יעבדוך עמים >וישתחו< וישתחוו לך לאמים הוה גביר לאחיך וישתחוו לך בני אמך ארריך ארור ומברכיך ברוך:
30
ל
)ל( ויהי כאשר כלה יצחק לברך את יעקב ויהי אך יצא יצא יעקב מאת פני יצחק אביו ועשו אחיו בא מצידו:
31
לא
)לא( ויעש גם הוא מטעמים ויבא לאביו ויאמר לאביו יקם אבי ויאכל מציד בנו בעבור תברכני נפשך:
32
לב
)לב( ויאמר לו יצחק אביו מי אתה ויאמר אני בנך בכרך עשו:
33
לג
)לג( ויחרד יצחק חרדה גדלה עד מאד ויאמר מי אפוא הוא הצד ציד ויבא לי ואכל מכל בטרם תבוא ואברכהו גם ברוך יהיה:
34
לד
)לד( כשמע עשו את דברי אביו ויצעק צעקה גדלה ומרה עד מאד ויאמר לאביו ברכני גם אני אבי:
35
לה
)לה( ויאמר בא אחיך במרמה ויקח ברכתך:
36
לו
)לו( ויאמר הכי קרא שמו יעקב ויעקבני זה פעמים את בכרתי לקח והנה עתה לקח ברכתי ויאמר הלא אצלת לי ברכה:
37
לז
)לז( ויען יצחק ויאמר לעשו הן גביר שמתיו לך ואת כל אחיו נתתי לו לעבדים ודגן ותירש סמכתיו ולכה אפוא מה אעשה בני:
38
לח
)לח( ויאמר עשו אל אביו הברכה אחת הוא לך אבי ברכני גם אני אבי וישא עשו קלו ויבך:
39
לט
)לט( ויען יצחק אביו ויאמר אליו הנה משמני הארץ יהיה מושבך ומטל השמים מעל:
40
מ
)מ( ועל חרבך תחיה ואת אחיך תעבד והיה כאשר תריד ופרקת עלו מעל צוארך:
41
מא
)מא( וישטם עשו את יעקב על הברכה אשר ברכו אביו ויאמר עשו בלבו יקרבו ימי אבל אבי ואהרגה את יעקב אחי:
42
מב
)מב( ויגד לרבקה את דברי עשו בנה הגדל ותשלח ותקרא ליעקב בנה הקטן ותאמר אליו הנה עשו אחיך מתנחם לך להרגך:
43
מג
)מג( ועתה בני שמע בקלי וקום ברח לך אל לבן אחי חרנה:
44
מד
)מד( וישבת עמו ימים אחדים עד אשר תשוב חמת אחיך:
45
מה
)מה( עד שוב אף אחיך ממך ושכח את אשר עשית לו ושלחתי ולקחתיך משם למה אשכל גם שניכם יום אחד:
46
מו
)מו( ותאמר רבקה אל יצחק קצתי בחיי מפני בנות חת אם לקח יעקב אשה מבנות חת כאלה מבנות הארץ למה לי חיים:
(End of open section)
ה
בראשית פרק כז -------------- * * * * * * * * * * * * * * * * * * * *
In the beginning
G-d created
and the earth.
בראשית
ברא אלהים
ואת הארץ
(Start of sixth aliyah)
ששי
(End of open section)